ఆంధ్రప్రదేశంలోనుండి ఎన్ని రాష్ట్రాలొస్తే బావుంటుందీ..?

"ఏమీ రాకపోతేనే బావుంటుంది" అనేవాళ్ళూ..! దయచేసి క్షమించేయండి..! రాష్ట్రం విడిపోతే మంచిదా, విడిపోకపోతే మంచిదా., అనేదాని మీద స్పష్టత వచ్చినా, ఒక స్టాండ్‌ మీదకి రానివాణ్ణి..! (చంద్రబాబులాగే..!) అందువల్ల ఒక్కోసారి ఇటువైపూ, ఒక్కోసారి అటువైపూ తిరిగిపోతూ ఉంటాను. ప్రస్తుత పోస్ట్‌లో "రాష్ట్రాన్ని విడగొట్టేయమని"..నాకు అధికారం ఇస్తే., (ఎవరిస్తారో..?) ఏయే రాష్ట్రాలు ఇచ్చేస్తానో రాస్తున్నాను. చూస్కోండి..! విడగొట్టేయడం అంత ఈజీయా అని అడగేవారికి నేను చెప్పే సమాధానమేంటంటే, "చాకలిపద్దు"..అంత ఈజీ అన్నదే..!

(గమనిక: 1. ఇది నిజంగానే సీరియస్‌..!..

               2. కొన్ని జిల్లాలు పక్కరాష్ట్రాలనుండి లాక్కోవడం జరుగుతుంది)

ప్రస్తుతం రాష్ట్రంలో వినిపించిన డిమాండ్లు..తెలంగాణ, ఆంధ్ర, ఉత్తరాంధ్ర (కళింగాంధ్ర), రాయలసీమ, మన్యసీమ..

సాధారణంగా పేర్కొనే ప్రాంతాలు..............  తెలంగాణ, కోస్తాంధ్ర, రాయలసీమ..

సరే.., "రాయలవారి" కాలాన్ని మాత్రమే పరిగణలోకి తీసుకొంటే, మనకి ఈ ప్రాంతంలో మూడు రాజ్యాలున్నట్టుగా తెలుస్తుంది.. అవి

"విజయనగర సామ్రాజ్యం"........ "బహమనీ సుల్తానుల రాజ్యం".......... "కళింగ రాజ్యం"..!

                ఇప్పటికీ తన్నుకుంటున్నది పరోక్షంగానైనా ఈ పేర్లతోనే కదా..! అందువల్ల, నేను ఇచ్చేసే రాష్ట్రాలు ఈ మూడు మాత్రమే..!

రాయలసీమ

తెలంగాణ

కళింగ

ఇప్పుడు చెప్పిన మూడు రాష్ట్రాల పరిధి ఎట్టిదనిన...

రాయలసీమ - (ఇప్పటి రాయలసీమలోని నాలుగు జిల్లాలు + నెల్లూరు, ప్రకాశం, గుంటూరు, కృష్ణా, పశ్చిమగోదావరి + బళ్ళారి, కృష్ణగిరి, కోలారు + హోసూరు, వేలూరు.. దీనికి రాజధాని "మద్రాసు" (తమిళులతో కలిపి..!). తమిళనాడుని కూడా విడగొట్టేస్తాం కాబట్టి, అక్కడి తొండ మండలం వారు, కొంగు మండలంవారు కూడా కలుస్తానంటే కలవచ్చు.., లేదంటే మానొచ్చు..! "తొండ మండలం" కలిస్తే ఉన్న ఎడ్వాంటేజీ ఏంటంటే "మద్రాసు"..ఒక్క రాష్ట్రానికే రాజధాని అవుతుంది. అదీ రాయలసీమే..!)

తెలంగాణ - ఇప్పుడున్నట్టే...! నాందేడ్‌, బీదరు కూడా కావాలంటే, కలిపేద్దాం..! (మిగిలిన తెలుగు జిల్లాలు పెద్దగా తెలీదు..! తెలిస్తే వాటిని కూడా కలిపేద్దాం..! రాజధాని- హైదరాబాద్‌..!)

కళింగ - తూర్పుగోదావరి, విశాఖపట్నం, విజయనగరం, శ్రీకాకుళం + గంజాం, రాయగడ, కోరాపుట్‌, మల్కాన్‌గిరి + ఒరిస్సాలోని ఇతర తెలుగు ప్రాంతాలు + వీలుంటే దంతెవాడ, బస్తర్‌ ప్రాంతాలు.. దీనికి రాజధాని - విశాఖపట్నం..!)

రాయలసీమ లో - గుంటూరు, కృష్ణా, పశ్చిమగోదావరి ఎందుకు కలిపేసానని డౌట్‌ వచ్చిందా..? నేను ముందే చెప్పానుగా "రాయలవారి కాలాన్ని" పరిగణలోకి తీసుకున్నానని..! అప్పట్లో,  "గోదావరి" నదే... "విజయనగర రాజ్యా"నికీ "కళింగ"కీ సరిహద్దు..! (రాయలవారి దండయాత్రలని పక్కనబెట్టండి..!) అందువల్ల రాయలసీమ రాష్ట్రానికీ, కళింగ రాష్ట్రానికీ మధ్య సరిహద్దు మళ్ళీ గోదావరే..!

ఈ ప్రాంతాలన్ని అప్పటి (రాయల కాలంనాటి) విస్తీర్ణంతో పోలిస్తే చిన్నవైనా తప్పదు ఎడ్జస్ట్‌ అయిపోవాలి..! అంతే...! ఇహపోతే.., ఇంకో విషయం..! అప్పట్లో కళింగకీ, విజయనగరానికీ ఉన్న కామన్‌ శత్రువు "బహమనీ సుల్తానులు.."..! ఇప్పుడు కూడా ఆ పోలిక సరిపోతుందనుకుంటాను..

ఆ విధంగా మనం కోల్పోయిన ఊళ్లన్నీ వెనక్కి వచ్చేస్తాయి..! తన్నులాటలూ తప్పుతాయి..! దీనికి ఒప్పుకునే రాజకీయ పార్టీ ఏదైనా ఉంటుందా..?