రాయలసీమ - 2

చిత్ర పటాలు 

ఏ మార్పులూ, చేర్పులూ లేకుంటే ఏర్పడబోయే "రాయలసీమ"

రాష్ట్ర పునర్విభజన సంఘం (SRC) - 2 వేస్తే, నెల్లూరు (పాత జిల్లా), బళ్లారి కలిపిన "పెను రాయలసీమ" (Greater Rayalaseema)

రావలసిన అభివృద్ధి పనులు

1) జలయజ్ఞం లోని అన్ని ప్రాజెక్టులు: “శ్రీశైలం”, “నాగార్జునసాగర్”, ప్రాజెక్టు నీళ్ళ పంపకంలో సాంకేతికంగా ఎడారి ప్రాంతమైన, రాయలసీమకి సాగునీరు, త్రాగునీరు అందించడానికి మొదటి ప్రాధాన్యతనివ్వాలి(దక్షిణ తెలంగాణ, ఉత్తరాంధ్ర కన్నా). విభజనకి ముందే, నీళ్లపంపకాలను నిర్దేశించాలి. ముఖ్యంగా, 

• దుమ్ముగూడెం – నాగార్జునసాగర్ కొన చెఱువు (Tail Pond)ప్రాజెక్టు.
• హంద్రీనీవా – సుజల స్రవంతి
• పోలవరం ప్రాజెక్టు (ఇందిరాసాగర్)
• తెలుగు గంగ.

     వేగంగా పూర్తిచేయాలి. 

2) ఖనిజ వనరులు విరివిగా ఉన్న కారణంగా “రాయలసీమ ఖనిజ వనరుల అభివృద్ధి సంస్థ” (Rayalaseema Mineral Development Corporation) ఏర్పాటు చేయాలి. రాయలసీమలో ఖనిజాల వెలికితీత, సరఫరా వగైరాలలో రా.ఖ.వ సంస్థకి మొదటి ప్రాధాన్యత ఇవ్వాలి.

3) భౌగోళికంగా, మూడు వైపులా మూడు మహానగరాలు ఉండటం వలన, ఈ ప్రాంతంలో భారీసంఖ్యలో ఉద్యోగ/ఉపాధి కల్పన జరగకపోవడం వలన, ఇక్కడ నుండి వలసలు ఎక్కువగా ఉన్నాయి.

•  “రాష్ట్రీయ ఇస్పాత్ నిగమ్ లిమిటెడ్(RINL-వైజాగ్ స్టీల్)” సంస్థ ద్వారా;కడప,అనంతపురం జిల్లాల్లోని ఖనిజాలను వాడుకునేలా కడప/అనంతపురం జిల్లాలో భారీ ఉక్కు కర్మాగారాన్ని(లని) నెలకొల్పాలి.
• భారతీయ సిమెంటు సంస్థ (Cement Corporation of India), రెండు – మూడు చోట్ల భారీ సిమెంటు కర్మాగారాలను ఏర్పాటుచేయాలి.
• “భారత్ హెవీ ఎలక్ట్రికల్స్ లిమిటెడ్”, “హిందుస్తాన్ ఏరోనాటిక్స్ లిమిటేడ్”, “మిశ్ర ధాతు నిగమ్”, వంటి ప్రభుత్వ, రక్షణ రంగ పరిశ్రమలని ఏర్పాటు చేయాలి.
• 1956 అనంతరం, హైదరాబాదులో ఏర్పాటు చేసిన కేంద్ర ప్రభుత్వసంస్థల్లో 25%న్ని రాయలసీమకి పూర్తిగా తరలించాలి, లేదా వాటిల్లో 40% సంస్థలు తమ కార్యకలాపాలని రాయలసీమలో పెద్దయెత్తున విస్తరించాలి. 

4) రైల్దారులు (Railways)

• నడికుడి(ఆంధ్ర) -దొనకొండ –పొదిలి-కనిగిరి -బద్వేలు-కడప-రాయచోటి-మదనపల్లి-బెంగుళూరు(కర్ణాటక)
• జడ్చర్ల – రాయవరం (తెలంగాణ)– ఆత్మకూరు – నంద్యాల – ఆళ్లగడ్డ – ప్రొద్దుటూరు-ఎఱ్ఱగుంట్ల - పులివెందుల – కదిరి – మదనపల్లి.
• బళ్లారి – ఆదోని- కర్నూలు-ఆత్మకూరు- ఎర్రగొండపాలెం–మాచర్ల (ఆంధ్ర)
• నెల్లూరు – బద్వేలు – మైదుకూరు –ప్రొద్దుటూరు
• గూడూరు – రాపూరు – రాజంపేట – రాయచోటి – కదిరి – పెనుకొండ- చిత్రదుర్గ (కర్ణాటక)
• రాయదుర్గ – కళ్యాణదుర్గం-అనంతపురం- తాడిపత్రి- కోయిలకుంట్ల- నంద్యాల

5)

•  తిరుపతి నుండి కర్ణాటకలోని హుబ్బళ్ళి-ధారవాడ వఱకూ (చెన్నపట్నం – ముంబయి స్వర్ణచతుర్భుజి రాదారికి సమాంతరంగా) 6 వరుసల రాదారి(6-Lane Highway)ని నిర్మించాలి.
• కర్నూలు – కడప – చిత్తూరు జాతీయ రహదారి విస్తరణని వేగంగా పూర్తిచేయాలి.  

6) పరిశోధనా సంస్థలు – విద్యాలయాలు

• రాయలసీమ కేంద్రీయ విశ్వవిద్యాలయం. (అనంతపురం) – Rayalaseema Central University
• భారతీయ సాంకేతిక విజ్ఞాన సంస్థ, జాతీయ సాంకేతిక విజ్ఞాన సంస్థ (నెల్లూరు) – IIT/NIT
• అఖిల భారత వైద్య విజ్ఞాన సంస్థ (తిరుపతి) - AIIMS
• జాతీయ న్యాయ విశ్వవిద్యాలయం (కర్నూలు) – National Law University
• భారతీయ విజ్ఞాన శాస్త్రాల సంస్థ (Indian Institute of Science), రెండవ ప్రాంతీయ విస్తరణ కేంద్రం. (అనంతపురం జిల్లా) – IISc – Regional Extension Centre – 2.
• భారతీయ అణువిజ్ఞాన సంస్థ (కడప) – Indian Institute of Nuclear Sciences.
• భారతీయ విజ్ఞాన శాస్త్రాల అధ్యయన & పరిశోధనల సంస్థ (సూళ్లూరిపేట)ని భారతీయ అంతరిక్ష పరిశోధన సంస్థ(ISRO)కు అనుబంధంగా, Indian Institute of Science Education & Research.
• జాతీయ సంగీత విద్యాలయం (తాళ్లపాక, కడప జిల్లా) – National School of Music
• గిరిజన విశ్వవిద్యాలయం (శ్రీశైలం/ నల్లమల) 
• భారతీయ ఖనివిజ్ఞాన విద్యాలయం (Indian School of Mines),
• కేంద్రీయ వ్యవసాయ విశ్వవిద్యాలయం (నంద్యాల) – Central Agricultural University

7) తిరుపతిలో సైబర్ టవర్స్ ఏర్పాటు చేసి, “సమాచార సాంకేతికతల పెట్టుబడుల సీమ” (Information Technology Investment Region)ని ఏర్పాటుచేయాలి. 

8) వీలైతే, రెండు సైనిక గృహ సముదాయాలని(Cantonment Boards) ఏర్పాటు చేయాలి. బ్రిటీషువారికాలంలో యుద్ధవిమానాల బ్యాకప్ స్థావరంగా ఉపయోగపడిన కడప విమానాశ్రయాన్ని వినియోగంలోకి తీసుకొని రావాలి, లేదా సమీపంలో మరో వైమానికి స్థావరాన్నిగానీ, వైమానిక శిక్షణా కేంద్రాన్ని గానీ ఏర్పాటుచేయాలి.